L'ommo ca guarda nun pensa
vive e speranza 'na fisica assenza
l'ommo se guarda pelato
se cerca 'inta a 'n'ato "Je sto peggio 'e te"
Fronna
furtuna guarda ca chiove e me 'nfonne
me 'nfonne 'o naso ca resta appilato
torno crullato perso 'into 'o cavero
L'ommo ca ha perso 'a speranza
guarda se pensa annasconne pacienza
l'ommo se sente cchiù crudo
ma tene paura "So cchiù forte 'e te"
Fronna
'na luce sbatte 'into 'e cchiocche se 'nchiomma
chistu calore me lassa 'ntrunato
me perdo cu 'o ciato e me trovo 'into 'o cavero
Perso 'into 'o cavero
e stongo perso
perso 'into 'o cavero
Perso 'into 'o cavero
e stongo perso
perso 'into 'o cavero
'O niro me stuta 'o piacere
sulo si 'o veco sente ca fete
doppo ciento muntagne scalate
una doppo ll'ata je fuje appaurato
Fronna
m'aspetto 'n asso ma sta carta nun sponta
sponta 'o struzzino ca me guarda arrapato
me sento sfiancato e me perdo 'into 'o cavero
'O cuorpo se tegne 'e sustanza
rossa cuscienza forte 'e custanza
'o core si cade nun fremme
no nun s'arrende 'a pressione nun scenne
Fronna
meglio ca jesco e si chiove me 'nfonno
lasso 'o signale cu 'a carta allummata
scengo 'ngazzato e me votto 'into 'o cavero
Perso 'into 'o cavero
e stongo perso
perso 'into 'o cavero
Perso 'into 'o cavero
e stongo perso
perso 'into 'o cavero